//పసి'వాడి'న ప్రాయం//
వెతుకుతున్నా ఆ కన్నుల్లో జీవాన్ని..
ఉపనయనాలు అడ్డొస్తుంటే ఏం కనిపించిందని..
మొన్నటిదాకా చిలిపికలలు దోబూచులాడిన కళ్ళే అవి..
నేడు మేధావితనం..
పెద్దరికాన్ని సంతరించుకొని లోకాన్ని సరికొత్తగా చూస్తున్నట్లు..
ఇంతా చేసి వాడి వయసు పదేళ్ళు..
రెండున్నరేళ్ళకే వాడేదో కావిడి మోయాలన్నట్లు..
ఉన్నపళంగా అక్షరాభ్యాసం చేసి బలవంతంగా బళ్ళో వేసేసి..
అమ్మఒడి కమ్మదనాన్ని పూర్తిగా అనుభవించకుండానే..
వాడి ఒళ్ళో పుస్తకాలకట్టలు పడేసి..
పలక పట్టకుండానే కంప్యూటర్ క్లాసులు..
కలం కదపకుండానే ప్రాజెక్ట్ వర్కులు..
ఎంత క్రమశిక్షణో వాడికి..
గడియారమే లిప్తపాటు విస్తుపోయి ఆగేట్టు..
భంగపడిందేమో బాల్యం సైతం..
పసిప్రాయపు ఆటపాటలు ఆవిరయ్యాక..
వేసవికీ దిగులొచ్చెనేమో..
మనవల కేరింతల్లో వయసు మరచే మామ్మాతాతల అడియాశల్లో..
శిక్షణా శిబిరాలు 'శిక్ష'గా మారాయి..
బాంధవ్యాలను సైతం బడికే తీసుకొచ్చి కట్టేస్తుంటే..
ఏ కార్మీకులకు తీసిపోయారు వారు..
కన్నవారి ఆశల పోరాటంలో సమిధలుగా మారాక..
చిట్టికన్నుల్లో కలలేం మిగిలాయిక..
అవసరాలు మార్పుని నిర్దేశిస్తూ..మనుషులే కీలుబొమ్మలుగా మారాక..frown emoticon
No comments:
Post a Comment