//యంత్రం నుంచీ జీవితంలోకి//

//యంత్రం నుంచీ జీవితంలోకి//

యంత్రమేనేమో అతను..
వేయికోట్ల సంపాదన..
తినేది పరిమితాహారమే..నిదురపోయేది ఐదుగంటలే..
కేవలం డబ్బును పెంచడానికే ఉన్నాడేమో..
అంతులేని సంపాదనపరుడనిపించుకోవాలని కోరికో..
సుఃఖసంతోషాలను లెక్కించక అపరకుబేరుడితో పోటీ పడుతూ..

మనిషిలా బ్రతికితే బాగుండేదని అనిపించలేదేమో..
నిదురలేస్తే మోసం, ద్వేషం కలగలిసిన వ్యాపారాలు..
నిముషం కాలు నిలవని ప్రయాణాలు..
కుటుంబానికి వెచ్చించలేని సమయాలు..
ఎక్కడుంది సంతోషమని తడుముకుంటే..
నిత్యం భార్యపెట్టుకొనే నగల్లో కానరాలేదు..
ఏడాదికోమారు పిల్లలతో విలాసంగా గడిపే విహారయాత్రలో లేదు..
మిత్రులతో కలిసి తేలియాడిన విందువినోదాల్లో అసలే శూన్యం..
ఒక్కసారిగా ఆగినట్టయ్యింది పరుగు..
గుండు దెబ్బ తిన్న పక్షిలా అనారోగ్యం వాతమై కమ్మాక..frown emoticon

మనిషిలా బ్రతికితే బాగుండని అనిపించిందేమో
అలవి మాలిన సంపాదనకై పాకులాడటం వ్యసనమని తెలుసుకున్నాడేమో..
ఉత్ప్రేరకమై ఎగిసిందో ఆలోచన సమాజశ్రేయస్సు దిశగా..
కూర్చొని తిన్నా తరగని డబ్బేగా..
కూడూ..గుడ్డా..గూడూ లేనోళ్ళకి సాయపడాలని..
మానసిక ప్రశాంతతను మూటకట్టుకోవాలని..
బాధితులకు ఆపన్న హస్తం అందించాలని..
శాంతి సంతోషాలను చవిచూడాలని..
మనిషిగా మారడతడు..
సరికొత్త చివురులతో మొలకెత్తి..ఆంతరంగిక స్థాయిని సంస్కరించుకొని..
ఎందరో ఆశలకు కరదీపికై నిలవాలని సంకల్పం చేసుకొని..!!