మన తెలుగు మన సంస్కృతి నిర్వహించిన చి త్ర క వి త – 84 పోటీ - గాజులు – లో ప్రథమ విజేతగా నిలిచిన కవిత:
//గాజుల సవ్వళ్ళు//
రసమయవర్ణాల గాజులు..రమణీయమైన గాజులు
పారాడే పాపాయి నుంచీ పెద్ద ముత్తయిదువ వరకూ
ప్రాణంగా ప్రేమించే ప్రియమైన గాజులు
రంగేదైనా రీతేదైనా ఆకర్షించే గాజులు
రవ్వల గాజులు..రతనాల గాజులు..
మువ్వల గాజులు..ముత్యాల గాజులు..
మనసును దోచే తళుకులీను మట్టిగాజులు..
మనసుకు వారథులేగా ఆమె గాజులు..
అలుకను మాట్లాడ్తూ..అతడి అనునయాలకు కరుగుతూ
హృదయపు సరిగమలౌతూ గలగల గమకమవుతూ
నిరంతర సవ్వడులౌతూ..మౌనాన్నన్నువదించే ఏకాంతాన..
మురిపాల రవాలౌతూ..సగపాల రాగాల సంగీతాన..
అమ్మతనానికి తోడవ్వాలనే సీమంతానికి గాజులు
ఊహతెలిసిన పాపాయికీ ఆటవస్తువేగా గాజులు
మొదటనోట పెట్టేవేగా అమ్మచేతి గాజులు
పసుపుకుంకుమల్లోనూ ప్రథమమందుకే గాజులు
తాంబూలానికి సాయమై నిత్యమూ జతపడుతూ
సౌభాగ్య చిహ్నాలనేగా గాజులు
బతికినంతకాలం వెన్నటి ఉండాలనే కోరికలు..!!
No comments:
Post a Comment