బాల్యం బంగారమా?!

బాల్యం బంగారమా?!

ఏమో..
బాల్యం బంగారమే కొందరికి..
కేవలం సుఃఖపడేందుకే పుట్టినట్లు..
అయినింటికి వారసుల రూపంలో..
ఆటపాటల ఆత్మీయస్పర్శకు మూలమవుతూ..

కొందరు పని చేయడానికే పుట్టారేమో..
బాలకార్మికుల రూపంలో..అస్తిపంజిరమంటి ఆకారంతో
కట్టు బట్టకీ..తినే తిండికీ కరువై..
రెక్కాడితే గానీ డొక్కాడని పేద బతుకులు..
నవసమాజ నిర్మాతలంట వారు..
దారిద్ర్యరేఖకు దిగువున స్వయంపోషక చిన్నారులు..

మట్టికొట్టుకుపోయి మాసిన దేహంతో..
వయసుకి మించి బరువు మోస్తున్న పసి(ని)వారు
పొలాల్లో నలిగిపోతూ కొందరు..
ఖార్ఖానాల్లో మగ్గిపోతూ కొందరు..
ఇటుకులబట్టీల్లో వెట్టిచాకిరీ చేస్తూ కొందరు..
చీకటిగనుల్లో మసిబారుతూ కొందరు..
వస్త్ర పరిశ్రమల్లో కట్టుబానిసలు కొందరు..
ఆఖరుకి అవయవవ్యాపారానికీ ముడి సరుకుగా కొందరు..

సమస్య ఉన్నచోటే పరిష్కారమూ ఉంటుందిగా..
నాగరిక సమాజం తప్పును సరిదిద్దాలిగా
పిల్లలకు సురక్షిత జీవనం అందించాలి
పసివారిని చదువుకొనే దిశగా ప్రోత్సహించాలి..
విద్యతోనేగా జీవితం ప్రకాశించేదని నచ్చచెప్పాలి
జీవితాన్ని మార్చే శక్తి చదువుకే ఉంది..
బుద్ధి వికసించే మార్గం విద్యతోనే ఉంది..
అందుకే చేతనైన చేయూతనిద్దాం మనం..!