హేమంతంలో వసంతం... 😌

హేమంతపు తెమ్మెర చలిగా అరుస్తూ నీ మౌనాన్ని అనువదిస్తుందేమో.. ఆకాశపుటంచుల వెంబడి ఆ వచనం ఆహ్లాదపు ప్రేమలేఖగా నాలో నిండిన భావోద్వేగం.. ప్రదోష ప్రాణాయామంలో పీల్చుకున్న శ్వాస నీ జ్ఞాపకమే అయినట్టు ఎద తోటకి ఇప్పుడు వసంతఋతువేమో.. వెన్నెల్లో గోవర్ధనం గుండెల్లోకొచ్చి గోరువెచ్చనైన కలలు పొదిగినట్టు ఈ వేకువ వాత్స్యాయన సుప్రభాతం... అక్కడా ఇక్కడాని సౌందర్యాన్ని, సంతోషాన్ని నేనేం వెతకలేదులే.. నీలో కాంతివేగానికి నాలో శీతలత్వం కరిగి చిగురిస్తున్నానని చెప్తున్నా అంతే !!