// శుభాకాంక్షలు //

ఇన్నాళ్లూ ఎక్కడుందో కోయిల కొమ్మల్లో దోబోచులాడుతూ పాడుతుందీ వేళ వసంతమొచ్చిందని దానికెలా తెలిసిందో ఆకులు చిగురిస్తూ ఆమని తాదాత్మ్యం కాలస్పృహకు స్పందిస్తూ పచ్చదనం పునాదిగా ప్రకృతి మెరుస్తుంది సుతారపు మల్లె సువాసన మొదలై చల్లని నీ జ్ఞాపకాల చినుకులుగా నన్ను ఆసాంతం ముంచెత్తుతుంది నిలువెత్తు భావాల నా ప్రేమ కవిత ఉద్విగ్న పెదవుల్లో పలకాలని ఊహల మైదానాన్ని దాటి నిన్ను చేరుతుంది కావాలంటే నువ్వూ విను.. ఊపిరాడనంతగా వెచ్చదనం కమ్ముకుందంటే ఈ వేసవి వాక్యాల తీయని వెత నాదేనని ఒప్పుకుంటావు ఎప్పటిలాగే సర్వ శుభాలు కలగాలని ఆశిస్తూ.. ఉగాది పండుగ శుభాకాంక్షలు