//మన్మథ(నామ) చమత్కారం//

//మన్మథ(నామ) చమత్కారం//

మన్మథుడంటే ఏమోననుకున్నా సుమా
ఎంత చిలిపివాడోననుక్కున్నా ఇన్నాళ్ళూ..
అంత ఉపకారని కూడా తెలుసుకున్నా ఈనాడు
ఏ భగ్నప్రేమికుడ్ని గెలిపించేందుకు కురిపించాడో అకాలవాన
ఏ వాసంతి విచిత్ర కోరికో..
వేసవందు హరివిల్లును చూడాలనుకుందో..
ఏకంగా చైత్రంలో శ్రావణాన్నే కోరిందో
ఎన్నడూ ఎరుగని స్వాతిజల్లులు వసంతంలో
నీరసమైన వేసంగిని అమాంతం శీతలం చేసి
అమృతం నిండిన వలపుజల్లులు కురిపిస్తూ

ఆ కిన్నెర మనసు రంజిల్లే ఉంటదేమో
మనసు చల్లబడే ఉంటదేమో..
తన అపరంజిప్రేమను అపరాజితై అందుకొనే ఉంటదేమో
అమెతో పాటు మరిన్ని దేహాలు తీర్చుకొనుంటాయి తమ హృదయతాపాలు..
ఎన్ని ఎదమయూరాలు నర్తించినాయో..
ఎన్ని తనువుల శ్రావ్యవీణలు మ్రోగుంటాయో..
తటిల్లతలా మెరిసిన మేఘరాగానికి తోడవుతూ..
మన్మథ చమత్కారానికి మురిసిపోతూ