//అక్షయతృతీయ//

//అక్షయతృతీయ//

వేదవ్యాసుడు భారతాన్ని లిఖించిన పవిత్రతిథి..
శివుని జటాఝూటం వీడి భూమిని పులకింపచేసిన పవిత్రగంగ ఉధ్భవం..
ఆరవ అవతారమైన పరశురాముని జన్మదినం
యుధిష్టిరుడు తన ధర్మవర్తనకు అక్షయపాత్రను అందుకున్న శుభదినం..

కుబేరుడు సర్వసంపదలకూ నాయకత్వాన్ని గెలిచిన మహోత్తరతిథి..
కామితఫలాలను అందించే దివ్య ముహూర్తం..
విశ్వైకనాధుడే విచ్చేసిన అన్నపూర్ణాదేవి జన్మదినం..
చేసిన మంచిపనికి అక్షయఫలాన్ని అందించే అద్భుతవరం
తలపెట్టిన లక్ష్యాలు విజయవంతం చేసే సుముహూర్తబలం..

అక్షయతృతీయ అర్థమెందుకో మారిందీ రోజుల్లో..
కనీసం కుండడు నీళ్ళను దానమివ్వని సామాన్యుల మనసుల్లో..
మగువల బంగారపు నాడిని పట్టిన షావుకారుల చేతుల్లో..
ధరలు ఆకాశాన్నంటినా ఆశను దగ్గరచేసే ప్రచార సాధనాల్లో..
అప్పుచేసైనా వీసమెత్తు కొనాలని ఆరాటపడే వెర్రి తలపుల్లో..