//సెల్ఫ్ మేడ్ జెలసీ//

//సెల్ఫ్ మేడ్ జెలసీ//

ఎందుకంతగా అతడ్ని ద్వేషించడం..
తనకన్నా ఉన్నతంగా ఉన్నందుకా..తనకన్నా ప్రత్యేకంగా కనిపించినందుకా
పదేపదే భూతద్దంలో చూసుకోడమెందుకు..
దానివల్ల తనలోని మంచిగుణాలు కూడా నల్లిఫ్హై అయిపోయి..
ఎదుటివాడు సహజంగానే డామినేట్ అయ్యేందుకా..

దూరమయ్యిందిగా వివేకమ్మొత్తం..
ఫ్రాంక్నెస్స్ ముసుగులో దాచుకోకుండా మాట్లాడినందుకు..
బాగా కించపరచినట్లు భావోద్వేగాన్ని వెదజల్లినందుకు..
అన్నీ తనకనుకూలంగా జరగాలంటూ ప్రవర్తించినందుకు..
అనవసరంగా అక్కర్లేని అసహనం ప్రదర్శించినందుకు..
మంచి బాంధవ్యం కాస్తా మసకబారిందిగా..

ఎవర్నని ఏం లాభం..
మన చేతివేళ్ళే ఒకేతీరుగా ఉండవనే సత్యం ఒప్పుకున్నట్లు,
ఎదుటివాడు తనలా ఉండనవసరం లేదని ఒప్పుకుంటూ..
సరిచేసుకుంటే సరిపోతుందిగా బలహీనత..
మంచి గుణాలను పాసిటివ్ గా తీసుకొని ప్రేరణ పొందవచ్చుగా...
ప్రేమతో అభినందించి హృదయంలో మరోమెట్టు ఎక్కవచ్చుగా
ఆత్మనిగ్రహం ప్రదర్శించి పరస్పర గౌరవానికి అర్హత పొందొచ్చుగా
మరో ముందడుగేసి మార్పుకి శ్రీకారం చుట్టవచ్చుగా
అనుబంధాన్ని మరింత బలోపేతం చేయవచ్చుగా
సెల్ఫ్ మేడ్ జెలసీని తనకుతానే జయించవచ్చుగా..!!