//అదే విలువ//

//అదే విలువ//

ఎలా కుదిరిందో వారికి..
మృదుల మధుర మంజుల తన్మయ దరహాసం ఆమెది..
కర్ణకఠోర భయంకర వికట్టాట్టహాసం అతనిది..
వసంతరాగాల వినీల గమకాల సంకీర్తన ఆమెది..
తుఫాను గాలుల విషాదహోరుల సంగీతం అతనిది..
సీతాకోకలోని రంగులను వెతికే భావుకత ఆమెది..
ఊసరవెల్లి రంగులను ఆరాతీసే మనస్తత్వం అతనిది..

ఉషోదయపు తొలికిరణాల స్పర్శకు వెచ్చబడిన తుషారబింధువామె..
హేమంత పున్నమిరాతిరికి ఘనీభవించిన బండరాయతను..
హృదయంగమమైన పరిష్వంగములో ప్రణయానందం ఆమెది..
నరనరాల్లో పోటెత్తే రుధిరప్రవాహాపు పెనుగులాట అతనిది..
ఉరుకుల పరుగుల గలగల గోదారి వయ్యారం ఆమెది..
నాచుపట్టి నిలిచిపోయిన సరస్సులోని నిశ్చలం అతనిది..

తేజస్సులో కరిగిపోవాలని ఆమె..
నీడల్లో నిలిచిపోతే చాలని అతను..
అర్థనారీశ్వరులమని ఆనందపడమంటాడు..
తనకిష్టమైన గబ్బిలాలకంపు ఆమె సంపెంగతో సరిపడదంటూనే