//ప్రేమేనంటావా//
గుర్తున్నానా..
నిన్నల్లో విడిచిన నేను మనసులో ఉన్నానా
సమాథి చేయడం కష్టం కాదులే నీ మనసుకి
వద్దనే చెప్పానుగా పెదవులతో ప్రేమించొద్దని..
ఔనన్న మనసును కళ్ళలో నింపుకొని..
పెదవులంటే ఇష్టమంటూనే..
కళ్ళను చదివాయే నీ చూపులు..
మనసంతా నువ్వేనన్నావుగా..
మల్లెలను తలలో తురిమినట్లే..ఆనందాన్ని తనువులో నింపావు..
నీ చూపులశరాలెంత పదునుగా తాకాయో..
నవ్వుల నెలవంకను నా పెదవులిట్టే జార్చేట్టు
ఆప్యాయతంటే తెలిసిందప్పుడేగా..
తొలిసారి నా అరచేతిని నువ్వు ముద్దాడినప్పుడు
అనురాగమూ పరిచయించిందప్పుడే..
నా నుదుట సింధూరాన్ని నీ పెదవులద్దినప్పుడు
నీ నామకోటితోనేగా నా మదిని తపోవనం చేసావు..
నిన్నల్లో విడిచిన నేను మనసులో ఉన్నానా
సమాథి చేయడం కష్టం కాదులే నీ మనసుకి
వద్దనే చెప్పానుగా పెదవులతో ప్రేమించొద్దని..
ఔనన్న మనసును కళ్ళలో నింపుకొని..
పెదవులంటే ఇష్టమంటూనే..
కళ్ళను చదివాయే నీ చూపులు..
మనసంతా నువ్వేనన్నావుగా..
మల్లెలను తలలో తురిమినట్లే..ఆనందాన్ని తనువులో నింపావు..
నీ చూపులశరాలెంత పదునుగా తాకాయో..
నవ్వుల నెలవంకను నా పెదవులిట్టే జార్చేట్టు
ఆప్యాయతంటే తెలిసిందప్పుడేగా..
తొలిసారి నా అరచేతిని నువ్వు ముద్దాడినప్పుడు
అనురాగమూ పరిచయించిందప్పుడే..
నా నుదుట సింధూరాన్ని నీ పెదవులద్దినప్పుడు
నీ నామకోటితోనేగా నా మదిని తపోవనం చేసావు..
ఏమయ్యింది ఇంతలోనే..
నిమీలిత నయనాల్లో వేదం చదివానంటూనే నిర్వేదం మిగిల్చావు..
వెలుతురులో కలిసి ప్రయాణం చేయిస్తానని చీకట్లో నన్ను విడిచావు
ఒంటరితనమంటే ఎరుగని నన్ను ఏకంగా ఏకాకిని చేసావు..
షడ్రుచుల మనసుకు అరుచిని అలవాటు చేసావు
ఏ అనుభూతి లోపం జరిగిందో..
.అయస్కాంతమంటి నువ్వు అలవోకగా దూరమయ్యావు..
మరుజన్మలో తోడుంటానని మాటైతే ఇచ్చావుగాని..
నీ తలపుల సహజీవనం చాలనిపిస్తోంది ఈ జన్మకి..!!
నిమీలిత నయనాల్లో వేదం చదివానంటూనే నిర్వేదం మిగిల్చావు..
వెలుతురులో కలిసి ప్రయాణం చేయిస్తానని చీకట్లో నన్ను విడిచావు
ఒంటరితనమంటే ఎరుగని నన్ను ఏకంగా ఏకాకిని చేసావు..
షడ్రుచుల మనసుకు అరుచిని అలవాటు చేసావు
ఏ అనుభూతి లోపం జరిగిందో..
.అయస్కాంతమంటి నువ్వు అలవోకగా దూరమయ్యావు..
మరుజన్మలో తోడుంటానని మాటైతే ఇచ్చావుగాని..
నీ తలపుల సహజీవనం చాలనిపిస్తోంది ఈ జన్మకి..!!
No comments:
Post a Comment