//హర్షం కాని వర్షం//

//హర్షం కాని వర్షం//

ప్రకృతినై పరవశించానొకనాడు..
నాకు తలంటు పోయడానికొచ్చిన వానజల్లని..
ఆనందమై నర్తించానాడు
నాలో తొలివలపును పరిచయించిన తేనెతుంపర్లని..

మధురస్మృతుల విషాదాలే నేడు
నీ తలపుల్లో నన్నన్వేషించడం కుదరక
అవ్యక్తమైన నిశ్శబ్దమౌనాలీనాడు
అర్థాంతరమై నా జీవితంలోంచీ నిష్క్రమించాక

మేఘమాల కురిపించిన అంజలై చేరింది వాన
నిర్జీవమైన అనుభూతిని బతికించాలనేమో
ఎంత తడిపితేనేముంది..
కరగని శిధిలశిల్పమయ్యాక నేను..

అందరికీ వర్షమో ఆనందం కావొచ్చు
నాకు మాత్రమో కన్నీటి జ్ఞాపకం
రంగులు చెదిరిన వర్ణచిత్రమై నే మిగిలినందుకు..
ఎవరికీ అర్థంకాని ఆబ్స్ట్రాక్టులా మారినందుకు..!!