//సాహితీ పండుగ//
విజయవంతమే సాహితీ పండుగ..
ఎటు చూసినా అక్షర హాలికులు
నలువైపులా అక్షర శిల్పులు..అలలారే వారి కళాఖండాలు
అక్షర సైనికుల లయ విన్యాసాలు..
అబ్బురపరచే సాహితీ ప్రసంగాలు..సమీక్షలు
మట్టిభాష కమ్మదనమేదో మదిని తాకుతూ
అంతరంగ దాహమేదో తీరినట్లు..
లయప్రాసల అలతిపదాల అల్లికలు
మనసును మాధుర్యమేదో మెలిపెట్టినట్లు
తియ్యందనాల ఆటవెలదులు..జానపదాలు
భాషా వైవిధ్యమూ పరిమళమూ కలగలిసినట్లు
మనోజ్ఞ సీమల్లో రసజ్ఞుల కోలాహలాలు
కావ్యకన్యక మనసువేదికపై నర్తించినట్లు..
ఆకాశమై విస్తరించింది కవిత్వం..
చైత్రపల్లకిలో అక్షరాలు ఊరేగినట్లు..
ఏ తేనెవాకలో పుట్టుకొచ్చాయో
తరాలు మారినా తీయదనం తగ్గని అక్షరాలన్నట్లు
మకరందబిందు బృందరస స్యందన
మందారమగు మాతృభాష అన్నట్లు..
సాహితీ ప్రేమికుల తపన కనిపెట్టినందుకేమో
ప్రచండమైన అరవిందుడు సైతం
కాస్త తొలగి..చిరుగాలికీ, చిరుజల్లుకీ చోటిచ్చి
వరుణదేవుని ఆశీర్వాద సహితం
సాహితీపండుగను జయప్రదం చేసెను.
ఎటు చూసినా అక్షర హాలికులు
నలువైపులా అక్షర శిల్పులు..అలలారే వారి కళాఖండాలు
అక్షర సైనికుల లయ విన్యాసాలు..
అబ్బురపరచే సాహితీ ప్రసంగాలు..సమీక్షలు
మట్టిభాష కమ్మదనమేదో మదిని తాకుతూ
అంతరంగ దాహమేదో తీరినట్లు..
లయప్రాసల అలతిపదాల అల్లికలు
మనసును మాధుర్యమేదో మెలిపెట్టినట్లు
తియ్యందనాల ఆటవెలదులు..జానపదాలు
భాషా వైవిధ్యమూ పరిమళమూ కలగలిసినట్లు
మనోజ్ఞ సీమల్లో రసజ్ఞుల కోలాహలాలు
కావ్యకన్యక మనసువేదికపై నర్తించినట్లు..
ఆకాశమై విస్తరించింది కవిత్వం..
చైత్రపల్లకిలో అక్షరాలు ఊరేగినట్లు..
ఏ తేనెవాకలో పుట్టుకొచ్చాయో
తరాలు మారినా తీయదనం తగ్గని అక్షరాలన్నట్లు
మకరందబిందు బృందరస స్యందన
మందారమగు మాతృభాష అన్నట్లు..
సాహితీ ప్రేమికుల తపన కనిపెట్టినందుకేమో
ప్రచండమైన అరవిందుడు సైతం
కాస్త తొలగి..చిరుగాలికీ, చిరుజల్లుకీ చోటిచ్చి
వరుణదేవుని ఆశీర్వాద సహితం
సాహితీపండుగను జయప్రదం చేసెను.
No comments:
Post a Comment