//కమనీయ కల్యాణం//

//కమనీయ కల్యాణం//

ఆ కల్యాణం కమనీయం కావాలంటే..
అమావస్యచంద్రుడ్నైనా ఇరువురూ కలిసి చూడగలగాలి
కదిలే చిరుగాలి ఊసులైనా కలిసి వినగలగాలి
చెరోదరినీ నిలబడ్డా తలపులవారథి కలిపి ఉంచాలి
ఆమె అభిరుచిని అతను మెచ్చాలి
అతని అభిప్రాయాన్ని ఆమె నచ్చాలి
ఆమె సంపెంగి గంథాన్ని అతను ఆఘ్రాణించాలి
అతని మొగలి పరిమళాన్ని ఆమె ఆస్వాదించాలి

నిరాసక్త లోయలు దాటాలి..
మౌనపర్వతాలుంటే నులివేడి వెన్నలా కరిగిపోవాలి..
నడుమ సమన్వయం రావాలి..సామరస్యం కావాలి
ఒకరికోసం ఒకరు కావాలి..
ఎవరికోసం వారైతే..స్త్రీ పురుష సమానత్వం ఎక్కడిది..

అందుకే..
వారు వ్యక్తిత్వంలో సైతం సమఉజ్జీవులు కావాలి
పరస్పరాలింగనంలో చల్లగాలికీ స్వేదం పట్టించాలి..