//సస్మిత//

//సస్మిత//

పారిపోవాలనుందామెకి..
అతని నుంచి దూరంగా..
ఎంతదూరమని పోగలదు..అంచుల్లేని నరకంలో పయనమాయే..
నిస్సత్తువ ఆవహిస్తుంటే..తడబడుతూ..
తన వెనుక సమాజం అనుసరించి వస్తుంటే..
అరే..ఎక్కడ మారింది సమాజం..
ఆమె ఏం చేస్తుందో చూడాలనే కుతూహలం ఎక్కువవుతుంటే..
వెనుకే వేగంగా వస్తోంది..
అదీ కాక తనదాకా వస్తే గాని తెలిసిరాని సలహాలిస్తూ..

సహజంగానే స్త్రీ అణగదొక్కబడుతుందిగా సమాజంలో.
ఆర్ధికంగా..నైతికంగా..మానసికంగా..శారీరకంగా..
కానీ కాపాడుకోవాలిగా..ఆమే ఒక భాగమేగా సమాజంలో..
అందుకే...
గెలవాలనుకుంది ఆమె..
రచ్చ గెలిచైనా తన ఉనికిని మిగిల్చుకోవాలని..
తనకో అస్తిత్వం ఉందని నిరూపించుకోవాలని..
ఆమెకో వ్యక్తిత్వం..అభిప్రాయముందని చెప్పాలని..

మాట్లాడుతూనే ఉంది..
ఆమెలో ఆమె అంతరంగంతో అనుసంధానమవుతూ..
ఆమె సమస్యను అంతకన్నా పెద్ద సమస్య ఉన్నవారితో పోల్చుకొని సర్దిచెప్పుకుంటూ..
ఆమె తన కుటుంబానికో మూల స్తంభమని గుర్తుచేసుకుంటూ..
ఇంకా పరిణితి చెందని జీవితంలో పూర్తిగ నష్టపోలేదని గ్రహించిందేమో..
మనుషులతో కలిసి మృగాళ్ళు తిరిగే జనారణ్యంలో..
మరో సానుభూతికై వెతికితే ఎదురుదెబ్బ కాగలదని తలపోస్తూ..
మనసులో చోటివ్వకున్నా జీవితంలో చోటిచ్చి మనుగడ సాగించాలనుకుంటూ..
జీవిత రహస్యం సరికొత్తగా తెలుసుకున్న వాసంతికై అడుగులేస్తూ..
తెలియని దేవుని కన్నా తెలిసిన దెయ్యాన్ని మార్చుకొనే ప్రయత్నం చేద్దామని ఆశిస్తూ..!!