//మనీషి//

//మనీషి//

సంకుచితమే మనిషి..
సాటి మనిషి దగ్గరకొచ్చేసరికి
కృత్రిమమేగా..విశ్లేషించే కొద్దీ మనస్తత్వమంతా
ప్రేమ, ప్రశంస, గుర్తింపు, ఆదరణ..
ఎదుటివారిని మాయ చేసే ఆకర్షణమంత్రాలు కావుగా..
జీవితానికి ఆసరా ఇచ్చే మానసిక అవసరాలు..
వాటిని మనమెంత స్వచ్ఛంగా ఆశిస్తామో ఎదుటివారికిస్తే కదా
పదింతలై తిరిగొచ్చేది..

ఎదుటివాడు నచ్చలేదని నిందిస్తాడు..
ఎంతసేపూ వాడిలో నచ్చని గుణాలనే తలపోస్తూ..
గుర్తించడెందుకో మరి..
ప్రతిమనిషిలోనూ మంచి ఉంటుందని..
దాన్ని తీసుకుంటే జీవితం తేలికవుతుందని
తనకోసం వంగిన వ్యక్తిత్వాన్ని సైతం గుర్తించక
మంచితనాన్ని చేతకానితనంగా అభివర్ణించుకుంటూ..
తనలో తానే తృప్తి పడుతూ..

అదొక ఆడంబర మనస్తత్వమేమో..
ఎవరేమనుకుంటారోనని నీతిగా బ్రతికేస్తూ..?!
తప్పు చేసే ధైర్యం లేకనో..అవకాశం రాకనో..
మొత్తానికి ఒప్పుగా కనిపిస్తూ..
తన నమ్మకాలు వేరనుకుంటాడు
అనుభవానికొచ్చినప్పుడు వాస్తవానికి మారిపోతూ..

ప్చ్...నిరోధించలేకున్నా భావతీవ్రతని.
వాస్తవిక ధోరణి ఖండించలేని నిస్సహాయతను..
అందుకే అన్నరేమో..
వ్యక్తులందు విశిష్ట వ్యక్తులు వేరయా అని..frown emoticon