//విశ్వకవి//

//విశ్వకవి//

భావకుడే ఆ విశ్వాత్ముడు..
పాపాయి నవ్వు, చిన్నారి పువ్వు..
సెలయేటి గలగల, గువ్వల కువకువ..
విరించి విరహాలు, అంతర్నిహిత వేదనలూ..
అన్నీ కలగలిపి ఆవిష్కరించాడుగా..

తన హృదయాన్ని కరిగించి రాసిన భావనలనేమో..
మన కంట ఆనందాశ్రువుల చినుకు వానలు..
ఆనందరాగం మనసంతా ఉరకలేస్తుంది..
యుగాంతరాల సమ్యోగక్షణాలు దగ్గరైనట్లు..
హృదయాంతరంగపు ఆవేదన మధురమవుతుంది..
అతని స్వాప్నిక జగత్తులో ఓలలాడుతుంటే..
నవవసంతంలో వేణుగానం వినిపిస్తుంది..
నిశ్శబ్ద నీరవంలో నిద్దురనుండి మేల్కొల్పుతూ..

జీవితానికి చైతన్యం పరిచయమవుతుంది..
అతని వెలుగుబాటల గుండా ప్రయాణిస్తే..
అందుకే అతను 'విశ్వకవి' అయ్యాడు..
యేళ్ళు గడచినా స్మరణీయుడయ్యాడు..!!