నేనే ప్రకృతి....
చూసే కళ్ళకు మనసుంటే ప్రతీ దృశ్యమూ ప్రకృతి చిత్రమే..
స్పృశించే చేతులే నీకుంటే ప్రతీ అణువూ సౌందర్యమే..
సూర్యోదయమే స్ఫూర్తిదాయకం గమనానికి తొందర పడమంటూ..
పక్షుల కిలకిలరావాలే మధురనాదాలు మదిని మేల్కొల్పుతూ..
ఉషోదయపు సుప్రభాత సన్నాయిలే అలౌకికానందం అందిస్తూ..
ప్రకృతికెన్ని రూపాలో హరివిల్లు హంగులనూ అలదేసుకుంటూ..
అరవిరిసినపువ్వుల చిలిపి చిగురుల చెలిమి వసంతము..
వేసవిగాడ్పుల నిట్టూర్పుల శారదరాత్రుల మల్లెలు గ్రీష్మము..
శ్రావణసంధ్యల తొలకరి మెరుపుల మేఘాలు కురిపించిన వర్షము..
ఉదయం నులివెచ్చగా రేయిన చల్లని వెన్నెలస్నానాల శరత్తు..
ఘనీభవించిన తుషారపు గాలుల సొగసులీను హేమంతం ..
జీవితపు చరమాంకపు మజిలీ సూచిస్తూ ఆకులు రాల్చే శిశిరం..
ప్రతీరుతురాగానికీ ఒక మధురిమ షడ్రుచుల సమ్మేళనంలా..
గొబ్బిళ్ళమీద తంగెడపూలది అందమే..గోదారిపై వెండిజరీ.. అందమే..
బంగారుతీవెల వీణానాదం ..పసిపాపాయి గారాల రాగం.. ప్రియమే..
పుచ్చపువ్వుల చల్లని వెన్నెలలూ..చంద్రకళలు ఆసాంతమూ.. ఆనందమే
పున్నాగ నాదస్వరాలూ ..పూలలో మకరందపు వాగులూ.. ప్రియమే
ఉన్నత శిఖరాల గంభీరమూ..అనంత విశాల లోయలూ.. అందమే
కన్నులపండుగే ప్రకృతి పచ్చదనం మనసున నిండిన వెచ్చదనం
ఇన్నాళ్ళూ ప్రకృతీ.. నేనూ.. వేరనుకున్నా..
మమేకమయ్యాకే తెలిసింది..ప్రకృతంటే నేనని..నేనే ప్రకృతినని..
కనుకనే ప్రకృతి సమతుల్యం పాటిద్దాం..
వన్య ప్రాణులను బ్రతకనిద్దాం..
సంరక్షించుకుందాం ప్రకృతిని..
మనకు ఊపిరినందించే ప్రాణవాయువుని..
రుతుసౌరభాలను ఆస్వాదిద్దాం..జీవనం సస్యశ్వామలం చేసుకుందాం..
చూసే కళ్ళకు మనసుంటే ప్రతీ దృశ్యమూ ప్రకృతి చిత్రమే..
స్పృశించే చేతులే నీకుంటే ప్రతీ అణువూ సౌందర్యమే..
సూర్యోదయమే స్ఫూర్తిదాయకం గమనానికి తొందర పడమంటూ..
పక్షుల కిలకిలరావాలే మధురనాదాలు మదిని మేల్కొల్పుతూ..
ఉషోదయపు సుప్రభాత సన్నాయిలే అలౌకికానందం అందిస్తూ..
ప్రకృతికెన్ని రూపాలో హరివిల్లు హంగులనూ అలదేసుకుంటూ..
అరవిరిసినపువ్వుల చిలిపి చిగురుల చెలిమి వసంతము..
వేసవిగాడ్పుల నిట్టూర్పుల శారదరాత్రుల మల్లెలు గ్రీష్మము..
శ్రావణసంధ్యల తొలకరి మెరుపుల మేఘాలు కురిపించిన వర్షము..
ఉదయం నులివెచ్చగా రేయిన చల్లని వెన్నెలస్నానాల శరత్తు..
ఘనీభవించిన తుషారపు గాలుల సొగసులీను హేమంతం ..
జీవితపు చరమాంకపు మజిలీ సూచిస్తూ ఆకులు రాల్చే శిశిరం..
ప్రతీరుతురాగానికీ ఒక మధురిమ షడ్రుచుల సమ్మేళనంలా..
గొబ్బిళ్ళమీద తంగెడపూలది అందమే..గోదారిపై వెండిజరీ.. అందమే..
బంగారుతీవెల వీణానాదం ..పసిపాపాయి గారాల రాగం.. ప్రియమే..
పుచ్చపువ్వుల చల్లని వెన్నెలలూ..చంద్రకళలు ఆసాంతమూ.. ఆనందమే
పున్నాగ నాదస్వరాలూ ..పూలలో మకరందపు వాగులూ.. ప్రియమే
ఉన్నత శిఖరాల గంభీరమూ..అనంత విశాల లోయలూ.. అందమే
కన్నులపండుగే ప్రకృతి పచ్చదనం మనసున నిండిన వెచ్చదనం
ఇన్నాళ్ళూ ప్రకృతీ.. నేనూ.. వేరనుకున్నా..
మమేకమయ్యాకే తెలిసింది..ప్రకృతంటే నేనని..నేనే ప్రకృతినని..
కనుకనే ప్రకృతి సమతుల్యం పాటిద్దాం..
వన్య ప్రాణులను బ్రతకనిద్దాం..
సంరక్షించుకుందాం ప్రకృతిని..
మనకు ఊపిరినందించే ప్రాణవాయువుని..
రుతుసౌరభాలను ఆస్వాదిద్దాం..జీవనం సస్యశ్వామలం చేసుకుందాం.
