//నీ నేను//
మధురమైన భావాలను మోసుకొచ్చింది గాలి..
ఏ కవిత్వాన్ని తాగి వచ్చిందో మరి
గాలి అలల సవ్వడికి స్పందించేలా చేసేస్తూ..
లేచిగురాకు పచ్చదనం తొడుక్కున ప్రకృతిలా నన్నల్లాడిస్తూ..
ఓ పక్క మనసు మువ్వై మోగుతూ..
నీ తలపుల నర్తనానికి తాళమేస్తూంటే..
పులకింతలపర్వమేదో మొదలైనట్లు తనువులో..
నీ వలపు జడివానేదో కురుస్తుంటే..
జాబిల్లికోసం విరహోన్మాదమైన తారకలా..
దాగుడుమూతల దోబుచుల మనసుతో..
నీ బాహువల్లరి అల్లిక జిగిబిగిలో..
అల్లిబిల్లిగా సిగ్గిల్లిన నవమల్లికలా..
నువ్వెక్కడ సంచరిస్తున్నావోనని ప్రశ్నించే మదిని..
నీలో చేరి నిన్నసుసరిస్తున్నా కదాని సమాధానపరుస్తూ....
శిశిరమెన్నటికీ శాశ్వతం కాదని వసంతాన్ని ఆహ్వానించి ఎదురుచూస్తూ..
నీ నేను..!
ఏ కవిత్వాన్ని తాగి వచ్చిందో మరి
గాలి అలల సవ్వడికి స్పందించేలా చేసేస్తూ..
లేచిగురాకు పచ్చదనం తొడుక్కున ప్రకృతిలా నన్నల్లాడిస్తూ..
ఓ పక్క మనసు మువ్వై మోగుతూ..
నీ తలపుల నర్తనానికి తాళమేస్తూంటే..
పులకింతలపర్వమేదో మొదలైనట్లు తనువులో..
నీ వలపు జడివానేదో కురుస్తుంటే..
జాబిల్లికోసం విరహోన్మాదమైన తారకలా..
దాగుడుమూతల దోబుచుల మనసుతో..
నీ బాహువల్లరి అల్లిక జిగిబిగిలో..
అల్లిబిల్లిగా సిగ్గిల్లిన నవమల్లికలా..
నువ్వెక్కడ సంచరిస్తున్నావోనని ప్రశ్నించే మదిని..
నీలో చేరి నిన్నసుసరిస్తున్నా కదాని సమాధానపరుస్తూ....
శిశిరమెన్నటికీ శాశ్వతం కాదని వసంతాన్ని ఆహ్వానించి ఎదురుచూస్తూ..
నీ నేను..!
No comments:
Post a Comment