//స్నేహితులు//

//స్నేహితులు//

జాగ్రత్త వహించక తప్పదేమో..
నేటి స్నేహితుల ఎంపిక విషయంలో..
అసలెందుకు మనకి...
ఎదుటివారిని చులకన చేసి మాట్లాడేవారు
మన వ్యక్తిత్వానికి విలువనివ్వనివారు
తప్పునుచేసి అంగీకరించే స్వభావం లేనివారు..
దయ..జాలి అంటే అర్ధమెరుగనట్లు నటించేవారు
పెద్దలను గౌరవించనివారు
తరచూ స్నేహితులను మార్చేవారు
స్నేహాన్ని లౌక్యంగా అవసరానికే ఉపయోగించుకొనేవారు..
అహంకారపు ఆజమాయిషీ చలాయించేవారు
అతిగా ఆశించి నియంత్రించేవారు
అపార్ధాలతో అసూయను తొడుక్కొనేవారు
మాటలనే ఈటెలు చేసి పొడిచేవారు
ముందు నడుస్తూ వెనుక గోతులు తీసేవారు
చేదుని తీపితాయిలమంటూ తినిపించేవారు
అసత్యాలకు ఆజ్యం పోసేవారు..

మన మూఢత్వాన్ని తమకనుకూలంగా చేసుకొని..
మననే మారణాయుధంగా మార్చే మనుషులకు దూరంగా ఉందాం..
నైతిక ధర్మం తెలిసినవారికి మాత్రమే చెలిమిని పంచుదాం..
లక్ష్యసాధనకు పునాది వేయాలని సంకల్పించినవారినే నమ్ముదాం
తప్పుచేస్తే సరిదిద్ది సంస్కరించేవారికే నేస్తమవుదాం..
మన బలహీనతలు తెలిసి ఆదరించినవారికే దగ్గరవుదాం..
ముఖ్యంగా స్నేహమనే పదానికి నిజమైన అర్ధం తెలిసినవారినే స్నేహిద్దాం..!!