//మరణం//

//మరణం//

మరణం..
కోరుకోగానే సాధ్యమవ్వదుగా అందరికీ...
లౌకిక బంధాలు తెంచుకోవడం..
జీవితపు పొలిమేర దాటి పయనించడం
నిద్దురలో నిశ్శబ్దంగా సెలవు తీసుకోవడం
అందరికీ కడపటి క్షణాలంతేనేమో..
అకస్మాత్తుగా మృత్యువు కబళించి కొందరిని హెచ్చరించి తీసుకెళ్తూ..
మరికొందరిని విషాదం యొక్క విశ్వరూపం చూపి మరీ లాక్కెళ్తూ..
ఇంకొందరిని ఆవేదనా భారం అంతమవకుండానే అనంతంలోకి దారితీస్తూ
మొత్తానికి..
శూన్యహస్తాలతో చూపుకందని దూరతీరాలకు మోసుకెళ్తూ..

ఏమైనా...
తప్పించుకోలేనిదేగా..ప్రతిఒక్కరి జీవితంలో ముందువెనుకల ప్రయాణం
ఎన్ని సాధించినా మృత్యురహస్యం కనిపెట్టలేనందుకేనేమో..
ముక్తిపర్వం మొదలెట్టినా పూర్ణం కాదెవ్వరికీ..
అయితే..
మరణమంటే భయమెందుకులే..
అదో ముగింపు కానప్పుడు..
మనల్ని ప్రేమించేవారి జ్ఞాపకాల్లో సజీవమై ఉన్నంతవరకూ..!!