//నీ నేను//
కాగితంలా మారిపోయా..కవిత్వంగా నన్ను రాసుకుంటానన్నావని..
కలలా కానుకయ్యా..నీలో ఊహలు మొలకెత్తాలని..
వెన్నెలనై విందుచేసా..మనసులో వెలితి నింపాలని..
విరిలా విచ్చుకున్నా..మందహాసంతో నీలో స్పూర్తి నింపాలని..
అనుపల్లవినై రవళించా..సంగీతాన్ని నీకు పరిచయించాలని..
మేఘమై వర్షించా..నీలో ఆనందాలు కురవాలని..
కలకోయిలగా మారిపోయా..నీకు వసంతం మాత్రమే వినబడాలని..
ఊహలో ఊసునయ్యా_నీ ఒంటరిభావాలకు తోడవ్వాలని..
చివరకు..
నీ నిశ్శబ్దంలో చేరిపోయా..నీకు మౌనంపై మనసయ్యిందని..
వెన్నెల మరకై మిగిలిపోయా..నీ జ్ఞాపకాలకు నెత్తావులద్దాలని..
అయినా...
ఇంకేదో కాలేకపోయానంటావు..నీలోని నన్ను తడుముకోకుండానే..!!
కలలా కానుకయ్యా..నీలో ఊహలు మొలకెత్తాలని..
వెన్నెలనై విందుచేసా..మనసులో వెలితి నింపాలని..
విరిలా విచ్చుకున్నా..మందహాసంతో నీలో స్పూర్తి నింపాలని..
అనుపల్లవినై రవళించా..సంగీతాన్ని నీకు పరిచయించాలని..
మేఘమై వర్షించా..నీలో ఆనందాలు కురవాలని..
కలకోయిలగా మారిపోయా..నీకు వసంతం మాత్రమే వినబడాలని..
ఊహలో ఊసునయ్యా_నీ ఒంటరిభావాలకు తోడవ్వాలని..
చివరకు..
నీ నిశ్శబ్దంలో చేరిపోయా..నీకు మౌనంపై మనసయ్యిందని..
వెన్నెల మరకై మిగిలిపోయా..నీ జ్ఞాపకాలకు నెత్తావులద్దాలని..
అయినా...
ఇంకేదో కాలేకపోయానంటావు..నీలోని నన్ను తడుముకోకుండానే..!!
No comments:
Post a Comment