//కేరింత//

//కేరింత//

మనసున పెనవేసిన మల్లెతీవెలై నీ తలపులు..
బుగ్గ నునుపున సిగ్గు చివురులను పోగేస్తుంటే..
చెక్కిట్లో సింగారాలు సల్లాప రాయబారాలు
వలపును పచ్చగా మోముకే పూసేస్తుంటే..
వసంత రాగవీధుల్లో స్వరాల సంగీతాలు..
ఎద సందడిలో చేరి వసంతకోయిలనే మరిపిస్తుంటే..
కెరటంలా పొంగిన హృదిలోని కేరింత
మాటలన్నీ చందమామ కవితలుగా రాసుకుంటుంటే..
తేనెమేఘమై కురిసిందనుకున్నా నీ ప్రేమ..
నవపల్లవాల్లో సంధ్యారాగాన్ని ప్రణయకావ్యం చేసేస్తూ..
నీది కానిదేదీ లేదన్న తనువు బంధమవుతానంటుంటే..
కలకాలం చైత్రమైపోనా నువ్వెదురుచూసే పున్నమిలోనే..!!