//సంకల్పం.//

నీకన్నా తెలియని ఒరవడిలో నువ్వున్నప్పుడు
నేనేమో నీ పిలుపుకని ఎదురుచూస్తుంటాను..
జ్ఞాపకాలుగా మిగిలిన మాటలన్నీ పోగుచేసి
నువ్వున్న మాయని నాకు సాయంగా తెచ్చుకుంటాను..

మూసుకున్న కనుల వెనుక మడుగు
లోలోపలి అశాంతికి రెప్పలు తెరుచుకోని నిస్పృహలు
మంకెనపూలైన నా కళ్ళు నువ్వు చూడలేనప్పుడు
ఎందుకింత దూరాభారాల గమ్యాలు..

నిదురలో నీ కలవరింతల రాగం..
ఆదమరపులో పలవరించే నా స్నేహం
మౌనంలో ధ్యానమయ్యే అపురూపం
ఊహల్లో అంతరంగ కలగాపులగం

మాట వినని మనసునెలా చూపాలోననే ఆరాటం
ఆర్తిని మోస్తున్న అలుకనెలా చేరేయాలనే సందేహం

ఆకాశమై నన్నుల్లుకొనే క్షణం కోసమే ఈ రాద్ధాంతం

అయినా సరే

ఉదయానికి నీ నవ్వునై విరబూయాలనే నా సంకల్పం..,💞