//చిట్టి ఊహ//

చిట్టి చిట్టి అలలుగా కదిలే ఊహ మనిద్దరినీ ఒకే దగ్గరగా చేర్చి
కొంచం బెంగను తీర్చుకోమని చెప్పిందేమో..
పెదవుల్లోని కాస్త దాహం నువ్వందించిన గారనికి తీరిపోయింది..

కొన్ని యుగాల నాటి దూరం..
ఒకే ఒక్క ఇష్టంలో ఈ రాత్రి వెన్నెల కురిసినంత తేలిగ్గా తరిగిపోవడం..
ఇద్దరం ఒకటయ్యామనే పులకరింతకి సమానం అయ్యింది

ఒక్కో ఝాముకీ నీ పెదవులు తాకిన దేహం
ఊపిరాడనివ్వనన్ని ఒంపులుగా మెలికెలు తిరిగి

మెరుపుకలల చందనాన్ని నునుమేనంతా పూసినట్టయింది

అమ్మో ఎన్ని గుసగుసలో నీ కన్నుల ఊసుల్లో..
ఒక్కసారి చూసినందుకే నన్ను వశం చేసి విరహాన్ని పరిచయం చేసిన కువకువలు..
ఇప్పటికంతా కొన్ని ముద్దులివ్వవూ..
మన ప్రణయాన్నింకా విరచించాలనుంది.. 💕💜