//మోహకలాపము//

వివశించేందుకు వివరం తెలియక్కర్లేదు
వశమయ్యేందుకు మంత్రమూ వల్లించక్కర్లేదు
నాలుగు మూరల పెదవుల్లో నవ్వులు
కాసిన్ని పరిమళాలకే విరబూసినట్టు
ఇన్ని పులకింతలెందుకంటే ఏమని చెప్పేది
మధురిమలొలికే పూలు ఎదను ఊపినప్పుడు
సన్నజాజులంటే వేసవికి అతిథులో..
కాలానుగుణంగా మనసుకొచ్చే ప్రేమతిథులో

కొన్ని గమ్మత్తుల తీయదనమంతే
జాజిరికి రమ్మంటే కాదనలేనట్టు
సాయంకాలపు మోహకలాపముగా మొదలై
చిక్కని కూజితాలుగా ముగుస్తాయి..💞