//వైశాఖపు గాలి..//

నీలోని వెచ్చదనం నాకంటుకుంది..

ఎప్పుడూ ప్రేమంటూ జ్వలించే నీ మనసు

ఇప్పుడు నన్నూ కలుపుకుంది

నాలో ప్రతిఫలిస్తున్న అపురూపాలు

ఇంతకు ముందు జన్మలో నువ్వు

ఆఘ్రాణించిన ప్రేమ పరవశాలు కాబోలు..

గుండెలోతు నీ భావాలతో నా కనురెమ్మలకిప్పుడు వేళ్ళాడుతున్నావు

ఎదలో చైతన్యం నింపే సుగంధం

నీ ఊసుతో మొదలయ్యే నా ఉషోదయం

భవరహితమైన నా అస్తిత్వానికి ఓ సౌందర్యం అబ్బడం

తీపితేనె తాగుతున్న చెరుకురసం

ఓయ్ వసంతుడా..

నీలాటిరేవులా నన్ను ముంచిపోమాకలా

వైశాఖం వలపుగాలి వీస్తూ వుంది

ఈ పొద్దు చిగురించే చెలిమై ఉండిపో యిక 😊