//ఊరిన కలలు..//

ఆచూకీ తీసిన నీ కళ్ళలో
నా నవ్వుల మందారాలు..
ఎన్నో రాగాల కవ్వింతలు కలిసి
నీలో మెదిలెను కదా కవనాలు..

మనసు కోసం తపించినప్పుడు అనుకోనేలేదు
కలలూరించేలా తలపు తడతావని..
ఆశలు ఆకుల్లా రాలినప్పుడూ తెలీలేదు..
వెచ్చని పాటల వసంతమై నాకుంటావని..

హ్మ్...

అనుబంధమయ్యాక అనుకున్నా..
అపురూపం నీ అనురాగమని
ఊరింతలన్నీ కేరింతలని..
కలకాలం మనమిలా సాగాలని

వినిపించిందదిగో నీ పెదవి చప్పుడు
నా సర్వం నీ సొంతమని నువ్వు పాడినప్పుడు
ఆనందం అనంతమైన ఆకాశమిప్పుడు
ఊపిరిలో నీ సంతకాలు మొదలైనప్పుడు..💕