//వెన్నెల నవ్వు..//

రెప్పల్లో రహస్యం వెన్నెలై నవ్వినప్పుడు
నువ్వు చదివేందుకు సిద్ధం చేసుకొనే పుస్తకం నేనేగా..

రేయంతా ఒడిలోనే కరిగిపోతున్న భావనలో నువ్వున్నప్పుడు
ఆ లోకంలో ఉండేది మనమిద్దరమేగా

నన్నంతా నింపుకొని నువ్వెటు ప్రవహిస్తావో..
నేనైతే మౌనమై కదులుతుంటాను..

కొన్ని మాటలు సశేషం చేసి ప్రేమిస్తున్నప్పుడు
నీ గుండెల్లోనే ఆరిపోదామని ఆశిస్తుంటాను..

పెనవేసుకున్న ఊపిరుల సాక్షిగా

కాలం కదలికలాపేసి చూస్తుంది
నువ్వుంటే తనని పట్టించుకోనని

పదిలంగా కొనసాగుదాం రా ఈదారిలో..

నీ అడుగులో అడుగేసి పదము కలపాలనుంది..💕