//కలల వాన..//

తొలకరిగా కురుస్తున్న నీ గులాబీ కన్నుల అల్లరికి
కొత్తగా వివశిస్తున్న క్షణాల్లోని ఆవిరులే కాబోలు
వేయి వర్ణాల వానజల్లుగా ఇలను తడిపింది

రెప్పల్లో మొదలైన తీపికలల రెపరెపలు
నీలిచెట్టుకి ఊయలూగుతున్న రాత్రి
ఆ గుండెల్లో కురుస్తున్న వాన నిజమే కదూ..

ఈ చినుకు పూల పరిమళం ఎక్కడిదో అనుకొనేలోపు
నా కన్నుల్లోని కాటుకను కాజేసిన మేఘం
ఏదో స్వప్న సౌరభాన్ని వెదజల్లి మెరుపుతీగలా నవ్వుతుంది
అయితే..
వర్షానికీ ఓ కాలముందనుకున్నా ఇన్నాళ్ళూ
మనోల్లాసాన్ని పంచేందుకు అర్ధరాత్రైనా కదిలొస్తుందని తెలీక..💜😄