//కాలపు గుసగుస..//

ఇన్నాళ్ళుగా కదులుతున్న కాలం నీ ముందుకు తెచ్చి నన్ను నిలబెట్టగానే అరుదుగా అందే ఆనందమొకటి మనసంతా వెల్లివిరిసింది..

నీ నిరీక్షణకు బదులిచ్చేందుకే నాలోని ఉద్వేగం కలవరమై కదిలింది కొన్ని క్షణాలైనా కానుకగా నీకిమ్మని..

నిజానికి నిశ్శబ్దాన్ని పూరించుకున్న ప్రణయం కన్నుల్లో వెలిగినప్పుడే మన కలల బలమెంతో తెలిసిపోయింది..

నిద్దురపట్టనివ్వని ఈ పరిమళం మిగిలిపోయిన మన మాటలదేనని తెలిసాక కొన్ని ఊసులన్నా ఆలకించాలనే అనిపిస్తుంది

మొదలెట్టు నీ గుసగుసలిప్పుడు.. పరవశాన్ని హత్తుకోవాలనుంది..😊