//తిరిగొచ్చిన మధుమాసం..//

మరలిపోయిందనుకున్న మధుమాసం

మౌనరాగాలకి విరహాన్ని కలిపి

మేఘమాలికలో దాచిన అమృతాన్నంతా

ఒక్కొక్క చినుకుగా మార్చి

ఈ మిట్టమగ్గిన కాలం చల్లని పలకరింపై

కురిసింది..నీలా

నీ పదాల భావుకత్వానికి మురిసి

నా క్షణాలు చికిలింతపువ్వులై నవ్వుతున్నాయంటే

ఆ మనసుపాట మనిద్దరికే సొంతమెప్పటికీ..

తలపులతో దాహం తీర్చుకుంటూ మనమున్నందుకే

నీ మోహం ఇంద్రధనుస్సై విరిసిందిక్కడ..💜💕