//మనసు వెక్కిళ్ళు..//

మాటలన్నీ దాచుకొని

మౌనంతో ఊరించడం ఎప్పుడు నేర్చావో

నీరాకకై అలమటిస్తున్న నయనం

నీలాలను ముత్యాలు చేసి నవ్వుకుంటుంది..

గుసగుసల మధురీతను తప్పుకోడం తెలీక

ఏవో స్వరాలను పెదవులపై రప్పించగానే

రాగం రాగం కలిసి అనురాగమయినట్టు

ఓ వివశం మొదలై మెత్తగా సలుపుతుంది

దోసిట్లో నిండే పువ్వుల ఘుమఘుమలా

మనసులో మోహం వెక్కిళ్ళుగా బయటపడుతుంది

ఇంకేం వినాలనిపించదిక

నన్ను తలుచుకున్నావన్న సంగతి తెలిసిపోయాక..💜☺️