//రెప్పల సవ్వళ్ళు//

నీ రెప్పల చప్పట్లు వినబడగానే
కొన్ని నవ్వుల ప్రవాహాలు నాలో..
ఇన్నాళ్ళూ చూపులతో ప్రశంసిస్తున్నావని తెలుసు కానీ
ఈ సవ్వళ్ళు..
ఓహ్..
ఆగిపోయిన జల్లులు ఆకుల మీద నుంచి రాలుతున్నట్టు
ఆహ్లాదపరచడం భలే తెలుసు కదా నీకు
ఇంతకీ జలపాతాలంటే ఇష్టమేనా చెప్పూ
రేపు ముంచెత్తింది నేనేనని నిందలేస్తే భరించలేను.

నువ్వు లేని నాలో..దిగులు మాత్రమే ఊహించి ప్రశ్నించవు కదాని

ధ్యానం చేస్తూ ఉన్మత్తమవుతావని చెప్పినట్టు గుర్తు

నువ్వు తదేకమయ్యే క్షణాలు నాకోసమేనని
మౌనంలో నీ మంత్రం నా పేరేనని
నీ పెదవుల ప్రమిదల్లోనూ దీపాలు వెలుగుతాయన్నప్పుడు తెలిసింది.

మానసికావసరమంటే ఏంటో అనుకున్నా కదా అప్పుడూ..
కన్నులు మూయమన్నప్పుడల్లా వింటున్నానిప్పుడా చప్పుడు..😍