//తప్పిపోను.//

అడుగడుగునా వెంటపడే కలల మత్తులో
అందమైన లోకం రంగు రంగులుగా మెదులుతోంది
వసంతం కోయిలైన తీపి రాగాలకి
ఊపిరి నిలిచిపోయేంతగా అదో ఆనందం

వెచ్చని మేఘం జడివాన కురిపించే వేసవిలో
దేహపు అంతర్వాహినిలో నీ తలపుల ప్రవాహం
పరధ్యానం ఆవిరయ్యి పరిమళం పెరిగిన విశేషం

చెప్పకూడదనుకున్నా గానీ
నువ్వేగా గుండెల్లో పూలవనాలు నాటింది
ఇప్పుడీ పున్నాగ సంపెంగలతో మన బంధం
ఎనిమిదో అడుగేసి వెన్నెల పొలిమేరల్లో ఆగింది

నెలకోసారి చీకటి ఎదురైనా సరే దారి తప్పను
చేయి చాచిన గమ్యమై నువ్వుండగా
నేనే విషాదంలోనూ తప్పిపోను..😌😌