//వసంత మోహం..//

వసంతమింత మోహమా..నువ్వూ నేనూ చైత్రం

కలిసి లోలోపల కదులుతున్న సాయంత్రం

ఆకాశపు మైమరపు పచ్చదనమై

పూలకొమ్మలు ఊగుతున్న గాంథారరాగం

మనసుచెదిరి పులకింతలు పుట్టినట్టు

పెదవివాలుల్లో అరనవ్వుల సోయగం

దగ్గరగా జరిగి ముద్దాడే క్షణాలను ఊహించినందుకేమో

మనోరథంపై ఊరేగుతున్న చిలిపిదనం

అప్పుడెప్పుడో..ఇంకెప్పుడో అన్న నీ మాట గుర్తుకొచ్చి

చూపులు కలిపే ఎదురుచూపు తరుగుతుందని ఆనందం

నిజంగానే వెన్నెల కురవబోతుందేమో మరి..

చంద్రకాంతశిలగా నేను మారే సమయం ముందున్నట్టుంది..💕