//కలలాంటి ఊహ//

ఊపిరి సలపని ఉక్కిరిబిక్కిరిలో నన్నుంచుతావ్
నిశ్శబ్దం సరిపడంటూనే నా ఊపిరి సంగీతానికి తోడై
ఎవరికీ అర్ధంకాని భాషలో కవితలల్లుతావ్
ఆకాశమంత ఏకాంతంలో నువ్వూ నేనే ఉన్నట్టు
మనసుపొరల్లోకంటా చేరిపోతావ్
గోరువెచ్చని ఊహలు నిజం చేసుకోవాలంటూ
అరచేతులతో అల్లికలేసి చూపులతోనే నవ్వుతుంటావ్
కలనైనా పరిచయం లేని నీలిమబ్బుల్లోనికి
క్షణాల్లో ఎత్తుకుపోతావ్
చూడ్డానికి చంచలమైనట్టు కనిపిస్తావ్ గానీ
పారిజాతమంత పవిత్రమైన ప్రేమ కదా నీది..:)

ఇప్పుడింకేం చెప్పకు..
పదేపదే నా విరహాన్ని వెక్కిరిస్తూ..!!