//ఒక్క పలకరింపు కోసం..//

ఎదురుచూసిన సాయింత్రం కరిగి
రాత్రిగా మారినా
నిశ్శబ్దాన్ని ముగించే
స్వరమేదీ వినబడలేదు
"something is bothering u"
ఇప్పుడీ హృదయం నవ్వాలంటే
నునుతట్టు పలకరింపొకటి కావాలి

అనుక్షణం ఆలోచనలో నువ్వుంటే
నా ఆనందం అంతర్మథనంలో అంతరించిపోతుంది
పేర్చుకున్న కలలన్నీ ఒకొక్కటిగా విసిగి
గుండెలోతుల్లోకి జారి మాయమవుతున్నాయ్
రేయి ముగిసేలోపు
నీలో శూన్యాన్ని జయించి
శృతి చేసిన సన్నాయిలా
ఒక్క "పిలుపు" మథురిమను వినిపించవూ..
దారితప్పిన ఏకాంతానికి నువ్వొచ్చి
నాలో " రాగాలు" పలికించవూ..!!