ఒక్కమాటైనా లేదా చెప్పడానికీ
నాకిష్టంలేని నిశ్శబ్దాన్ని నువ్వాలకిస్తున్నావు కదూ
ఏం చెప్పిందది..
నేనో శిలగా మారినందుకే సడిలేదని చెప్పిందా
కనురెప్పలపై నిద్దురనీడలున్నా కునుకేయనివ్వని కథ..
వాస్తవంలో జరుగుతున్నదేనని చెప్పిందా
కన్నీటికి తడవని మధురపదాల పొందిక
అనంతకోటి గొంతుకల ప్రేమరాగంలో
నేనొంటిగా పాడుకుంటున్న యుగళగీతమైతే
నీ మధురస్మృతుల్లో నేనో కలగా మిగిలిపోతాలే
అయినా..
సముద్రంలో కలవాలని ఉరకలేసే నదినేం కానుగా
ఒక్క ఋతువుకే కరిగే హేమంతాన్ని కనుకే కదిలిపోయా 😣
No comments:
Post a Comment