అవును
అప్పుడప్పుడూ కురిసేదే అయినా
వానంటే అదో ఇష్టం నాకు
కొన్ని జ్ఞాపకాలు తీపి మిఠాయిలు కాకపోయినా
జీవితాన్ని చేదు కాకుండా ఆపిన వగరుపళ్ళు
తలుపు తీసుకురావడమే
స్వేచ్ఛనుకుంటే..
నన్ను కాదని నేను తప్పించుకు తిరగలేకనే
ఎదురుపడుతున్న నిశ్శబ్దాన్నీ
సంగీతంగా మార్చుకున్నాను
నన్ను చూసే కళ్ళు
నాలుగింతలై తలకెక్కుతున్నా
క్షణాలకి భారం కాకూడదనే
కాలాన్ని బుజ్జగిస్తూ
ముందుకు నడవమనే.. కాళ్ళకు చెప్తున్నాను..!!
No comments:
Post a Comment