Corona 2

1. ఓ కొత్త పలకరింపుకై వెదుకులాట
మనిషి లోపలి మనిషి
ఇద్దరుగా విడిపోయి
తనను తానే అక్కున చేర్చుకుంటూ
గుండె ఘనీభవించకుండా చేస్తున్న ఓదార్పు ప్రయత్నం

2. ఏమో ఏం జరిగిందో
శూన్యంతో కదిలొచ్చిన వసంతం
లేపనమన్నది లేని గాయాలతో దేహం
తీయని జీవితాన్ని చేదుగా మార్చి
తిరిగి తీపి చేసేందుకు చేస్తున్న కాలక్షేపం

3. చచ్చి బతికిపోయిన వాళ్ళెందరో
ప్రపంచాన్ని అనుసరించే అవసరం లేని కొందరు
కదులుతున్న కాలానికి తలొంచలేనోళ్ళు
చినుకంత సంతోషాన్ని దోసిలిపట్టేందుకు
కాస్త నమ్మకాన్ని వెతుక్కోవడం సహజమిప్పుడు

4. కప్పుకొనేందుకు ఆశే వస్త్రమిప్పుడు
దిగులు తెరలను పక్కకి జరిపి
అడుగులు కలపాల్సిన తరుణమిది
దశాబ్దాల దూరాన్ని కరిగించుకొని
యుద్ధాన్ని గెలిచేందుకే దాగులుమూతలాడుతున్న రహస్యమిది..💜