// కలతనిద్దుర //

కబురులు కరువై కేరింతలు కరిగి
కలవరింతలకు కన్నుల్లో కన్నీరు తిరిగి
కనుచూపుమేర చీకటే అలుముకుంటే
కలతనిద్దుర కలలనూ కసిరేస్తుంది

మానసకోయిల విరహమైన సందెల్లో
మోహనరాగమూ విషాదమైన వేళ
మరలిపోయిన చిరునవ్వును పాడలేక
మౌనాన్ని ముడేసుకోడమే ఓ మలుపవుతుంది

మల్లెపందిరి కింద పరిమళపు రుచి
పెదవికి తెలీదన్నట్టు
కౌగిలంటని బ్రతుకు చేదువిందు
కాలానికే మాత్రమే తెలిసిన అనుభవైక్య మరణం

కొన్ని జీవితాలంతే..
వెలుగు పంచడం తెలియని
మిడిసిపడే దీపాల రెపరెపల అపశృతి సంగీతాలు 😒