// కాలం //

కనుమరుగవుతూ కాలం
తనతో పాటూ
సంతోషాల్ని, స్వప్నాలనీ, నవ్వుల్నీ
తీసుకుపోయినంత త్వరగా
విషాదాన్ని, దుఃఖాన్ని, కలతలనూ తీసుకుపోలేదు

కాసేపు ఆగిపోయినట్టు
ఇంకోసేపు నడుస్తున్నట్టు
మరి కాసేపు పరుగెత్తినట్టు
అదంతా జీవితపు సంస్పందనలోని
కేవల కదలికల ప్రకటన

గమ్యం నీదయినప్పుడు పయనం నీదే
గెలవాలనుకున్నాక పోరాటమూ నీదే
ప్రాణం పక్షిలా ఎగిరేలోపు
భవిష్యత్ రంగులు కలగన్నావంటే ఆకాశమూ నీదే

వేలికొసన విదిల్చబడ్డ నాలుగక్షరాలు
నిశ్శబ్దాన్ని చెరిపేసి
నలుగురిని సంపాదించిపెడితే
కోల్పోయిన ప్రతిసారీ ఆసరా దొరికినట్టే 💕