// వసంతపూల వాన //

ఆకులు రాలుతున్న వేళ వసంతపూల వాన
ఇక్కడిక్కడే నువ్వుండి రంగులు చల్లుతున్న వాసన

వేకువలో వెన్నెల్లూ..ఏకాంతపు సాయింత్రాలూ
నన్నంతా తడిపేస్తున్న నీ దరహాసపు మల్లెలే

నా నిరీక్షణని సమీక్షిస్తున్నట్టు నువ్వంపిన చిలిపిగాలులు
మనసులోతుల నుంచి వినిపిస్తున్న కొత్తపలకరింపులు

నింగీనేలా అభిషిక్తమవుతున్న ఈ పున్నమి
నీ జ్ఞాపకాలతోనే కరిగిపోతుందేమో ఇలా రాతిరి

చిటారుకొమ్మన దాగావెందుకో ఇప్పటికైనా చెప్పవా జాబిల్లీ..
సైకతసీమల సంద్రపు తీరంలో ఒంటరిగా నన్నొదిలీ 😥