//గమ్మత్తు//

మత్తుగా వలేసి పట్టే నీ చూపు ఈరోజేదో కొత్తగా సైగ చేస్తూ
నన్ను అమాంతం తాగేసినట్టు..నీకోసమే తీయనవుతున్నా..

ఓరగా పొదవిపట్టే నీ ఆకర్షణలో దివారాత్రులు
దిక్కు తోచని తన్మయత్వాన్ని తనువుకిచ్చి మోయలేని అవస్థపడుతున్నా..

ఇన్నాళ్ళుగా కురవలేదనుకున్న పరవశం నీ కన్నీరుగా నన్ను తడిపి..
అలౌకికానికో ఋతువుందని చెప్పినట్టు నిలువెల్లా పులకిస్తున్నా..

నా ఎదురుచూపుల కావ్యాలు నీ చిలిపి కళ్ళలో చదివినపుడే
కొంటెసిగ్గు తరిమినట్టు ఈ శిశిరాన్ని నీ పేరు మీద రాసుకున్నా..

వేణువులూది వెన్నెల రాగాలు ఆహ్వానించు సమయంలో
అన్యోన్యలోకానికి పోదాం రమ్మన్నట్టు మురిసిపోతున్నా..😄😉