//తీపి కలలు//

కలలతో కాలయాపన చేసేందుకేమో రాత్రి
మన ఊహలన్నీ తనలోనే దాచుకుంది
అరుదైన మన అల్లిబిల్లి ఊసులు
ఎదనిండా కలిదిరిగి పెదవుల్లో పాటలుగా మారిపోతాయి
కదిలిపోయే కాలానికీ తెలీదనుకుంటా
మనం కలిసే సమయాలు సంగీతాలవుతాయని..

అంతంలేని మనోఆకాశంలో నక్షత్రమై మెరవడం
వేకువకి రంగు మారిపోయే యామినికి తోడవడం
నీ ఊపిరిలో కలిసున్నందుకేగా అదృష్టం
కవనవనంలో పదముగా పూయడం
ఇష్టమైన భావనగా ఎదలో చేరడం

నీలో పరిపూర్ణమై ఉండాలనేగా జన్మ సంకల్పం

హృదయం తడిచిందో లేదో గమనించకిప్పుడు
హరివిల్లు నీలో మాత్రమే విరిసిందని పులకించు..:)