//తలపే మధురసం//

పల్లవిని నిరాకరించే పాటేదీ లేనట్టు
మౌనంలో నువ్వున్నా నా మాటను ఆలకిస్తూ
స్పందించే నీ ప్రతివాక్యమూ నేనయ్యాక..
జీవించడం ఇప్పుడే మొదలయ్యిందని చెప్పనా

పున్నమి రాత్రుల్లో పోగేసుకున్న చిరునవ్వులు
నీ ఏకాంతానికి కానుకిచ్చానంటే..
నేనొదిగిన మదిలోని వెచ్చదనం
నీ అంతర్మధనంలోంచీ పుట్టిన జీవనోత్సాహమనుకోనా

తడుముకున్న సుదీర్ఘమైన క్షణాలన్నిట్లో
నీ తలపంటే అచ్చంగా నాతో నువ్వున్నట్టేగా ..
స్వప్నాన్ని వాస్తవంతో వేరు చేయలేదందుకే
నీలో ప్రవహించే మధురసాలు
నన్ను తడపాలని చూస్తున్న తొలకరులవుతుంటే💜🥰