ఋతువుల కనుసైగతో ఆహ్లాదం కరుగుతున్న అలజడొక పక్క
ఆకులు రాలిపోతూండగానే చిగురిస్తున్న ఆశలొక పక్క
ఇప్పపువ్వుల పరిమళమంత విభిన్నంగా
నన్నల్లుకున్న నీ ఊహల విచిత్రంతో
కొన్ని కిలకిలలైనా పంచుకోమని అర్ధించినట్టు జీవితం
మృదువుగా మొదలైన ఒకే భావం
దారి కుదిరి మనిద్దరి గమ్యం ఒకటి చేసినందుకు
పొరలు పొరలుగా మొదలై నన్ను నిలువనివ్వని ఆరాటం
సమ్మోహనమైన కలలతో మోహఋతువుకిదో ఆరంభం
మగతను తాగుతున్న రాతిరిలో..
పులకరమూగి దాగుడుమూతలాడుతున్న కొన్ని చిలిపి నవ్వులు
దూరాల మధ్య కాలాన్ని కరిగించగా
నిద్దుర కొరతదేముంది కదా..
మనిద్దరి మాటలన్నీ ప్రేమైనప్పుడు..💟
No comments:
Post a Comment