//చీకటైతే..//

నువ్వటు కదిలీ కదలగానే
పెదవులబుట్ట ఖాళీ అయ్యింది..
నా నవ్వుల పువ్వులన్నీ నువ్వే పట్టుకుపోయినట్టు
క్షణాల్లో దిగులు నీడొచ్చి ఒత్తిడి పెంచింది
వాలు చూపు చెమ్మగా మారినట్టు
గుండెల్లో గుచ్చిన విషాదం చీకటిని తలపిస్తుంటే
నన్ను తనలో కలుపుకొనేందుకు మౌనం ముందుకొచ్చింది
నిశ్శబ్దం గుప్పెడే కానీ
దాన్ని మోయడమో నరకం

మనసు వెనుక మాటేసిన ఆనందం తెలియాలంటే
ఉదయమవ్వాల్సిందే
నీ పలుకు చిలిపి చినుకులు కిరణాలై నన్ను తడమాల్సిందే..😣