//ఎద చాటు //

నన్ను ఎద చాటు చేసిన ప్రతిసారీ
కన్నులు తాముగా తపించి
నువ్విచ్చే చుంబనానికని రెప్పలు వాల్చుతాయి..
మనసు బరువునంతా మోసే గుసగుసలు
అప్పటికే మౌనవించి నీ స్పందనకై ఎదురుచూస్తున్నాయి..

గుండెచప్పుళ్ళతో సంగీతమయ్యే నిశ్శబ్దం
చిరునవ్వులకు వెలుగునద్ది
అనుభూతిని ఆస్వాదించడం నేర్పినట్టు అప్పటికప్పుడు
అదో సంచలనం..

ఇప్పుడే మొదలెట్టు ధ్యానాన్ని..
మనసాకాశంలో చుక్కలను లెక్కించాలనుంది..
రాత్రైతే నీకు రెట్టింపు బదులివ్వాలిగా..💕